Франция ва "Барселона" ҳимоячиси Жюль Кунде фаолиятини Англия Премьер-лигасининг топ-клубида давом эттириш имкониятига эга.
Football-Espana нашрининг маълумотларига кўра, Лондоннинг "Челси" клуби франциялик қанот ҳимоячиси хизматларига қизиқиш билдирмоқда. "Кўклар" раҳбарияти келишувни амалга ошириш учун бор кучларини ишга солишади.
"Барселона" ўз навбатида футболчи билан хайрлашмоқчи эмас ва унга янги меҳнат шартномаси таклиф қилади. Испания чемпионатининг жорий мавсумида Кунде 28 та ўйин ўтказиб, 2 та гол урди ва 3 та голли узатмани амалга оширди. Унинг шартномаси 2027 йилнинг ёзига қадар мўлжалланган.
