"Барселона" футболчиси Рафинья Диас марказий ҳимоячи Иньиго Мартинеснинг жамоа учун аҳамияти ҳақида гапирди. 33 ёшли испаниялик Ханс-Дитер Флик қўл остида "блауграна"нинг асосий ўйинчиларидан бирига айланди.
"Иниго расман сардорлардан бири эмас, лекин менинг фикримча, кийиниш хонасида у аниқ жамоа сардорларидан бири. У ҳақиқий етакчи", - дея бразилиялик футболчининг сўзларини келтиради Managing Barca.
Иньиго Мартинес "Барселона"да 2023 йилнинг ёзидан буён ўйнаяпти. Жорий мавсумда у 36 та ўйин ўтказиб, 3 та гол ва 5 та голли узатмани амалга оширган.
