"Астон Вилла" Бубакар Камарани жамоада сақлаб қолмоқчи ва франциялик ярим ҳимоячига янги шартнома таклиф қилишга тайёр. Улар аллақачон музокараларни бошлашган.
Франциялик футболчининг амалдаги шартномаси 2027 йилда якунига етади. Бироқ, ярим ҳимоячи ушбу шартноманинг тугашини кутмаслиги эҳтимоли бор. Foot Mercato нашрининг хабар беришича, Европанинг бир қанча элит клублари кейинги ёзги трансфер ойнасида Камара билан шартнома имзолашдан манфаатдор.
Жорий мавсум франциялик футболчи “Астон Вилла” сафида барча мусобақаларда 30 та ўйинда майдонга тушди.
