Шанба оқшомида "Барселона" Испания Ла Лигасида "Реал" билан орадаги фарқни олти очкогача ошириши мумкин эди. Аммо буни уддалай олмади. Каталонияликлар ўз уйида "Бетис"га қарши кечган баҳсда фақат дурангга эришди - 1:1.
Ўйиндан сўнг "Барселона" вингери Рафиньянинг жуда жаҳли чиқди. Бразилиялик футболчи эмоционал тарзда ҳакамларга эътироз билдирган ва ҳатто жамоадошини тинчлантиришга уринган Марк-Андре тер Штегенни итариб юборган. Mundo Deportivo нашрининг хабар беришича, Рафинья ўз хатти-ҳаракати учун жазога тортилмайди. Гап шундаки, ҳакам Хиль Мансано ушбу ҳолат бўйича баённомага ёзув киритмаган.
Рафиньянинг иши фақат учинчи жамоа сўрови ёки Испания Қироллик Футбол Федерацияси интизом қўмитасининг ташаббуси билан кўриб чиқилиши мумкин.
