Неймар Бразилия футболидаги янги қоидадан норозилигини билдирди.

Бразилия футбол конфедерацияси (CBF) футболчилар ўйин вақтида тўпга иккала оёғи билан чиқса, уларни жазолашга қарор қилди, деб ёзади ESPN.

CBF миллий лиганинг барча клубларини бундан буён футболчилар бунинг учун сариқ карточка олиши, рақиб жамоа эса эркин зарба ишлаб олиши ҳақида огоҳлантирди.

CBF хабарига кўра, тўп билан бундай ҳаракат нафақат "жароҳат олиш хавфини оширади ва ўйинда узилишларни келтириб чиқаради," балки "рақибга нисбатан провокация ва ўйинга ҳурматсизлик" ҳисобланади.

"Футбол тобора зерикарли бўлиб бормоқда," - дея муносабат билдирди Неймар ижтимоий тармоқларда.

33 ёшли ҳужумчи ҳозирда "Сантос" шарафини ҳимоя қилмоқда ва у ерда жамоа сардори ҳисобланади.