“Бенфика” ўтган дам олиш кунлари меҳмонда “Порту”ни 4:1 ҳисобида мағлуб этиб, мухлисларини лол қолдирди.
Асосий юлдуз грециялик ҳужумчи Вангелис Павлидис бўлди, у "аждарлар" дарвозасига учта гол уриб, хет-трик қайд этди.
Маълум бўлишича, бу "Бенфика" футболчилари ичида "Порту" стадионида қайд этилган биринчи хет-трик бўлди.
Жорий мавсумда Павлидис ўз клуби учун 24 та гол урди, улардан 14 таси чемпионатда, 7 таси Чемпионлар лигасида.
"Бенфика" сўнгги пайтларда эришган муваффақиятлари натижасида чемпионат пешқадамига айланди.
