"Реал"нинг собиқ футболчиси Хулио Баптиста Криштиану Роналду ва Лионель Мессини солиштирди.
Бразилиялик собиқ футболчи иккала футболчининг ҳам юқори савиясини қайд этиб, улар энг зўр бўлиш истагида бир-бирларини кучайтирганликлари ҳақида фикр билдирди.
Бироқ, Баптиста барибир Роналдуни Мессидан устун қўйди.
"Агар мен танлашга тўғри келса, Роналду кучлироқ деган бўлардим. Криштиану "Манчестер Юнайтед"да ўйнаб, дунёнинг энг яхши футболчисига айланди. У "Манчестер Юнайтед" билан Чемпионлар Лигасида ғалаба қозонди.
Мен Мессини ҳурмат қиламан, лекин у фақат "Барселона"да ўйнади. Мен уни нимага қодирлигини кўриш учун кўплаб клубларда кўришни истардим.
Ҳа, у "ПСЖ"да ўйнаган, лекин Роналду турли жойларда ўйнаган, шунинг учун уни энг зўр деб ҳисоблаш керак", деди Баптиста.
