Андре Онана ушбу ёзда икки ишончсиз мавсумдан сўнг "Манчестер Юнайтед"ни тарк этмоқчи.
Caught Offside нашри хабарига кўра, "қизил иблислар" бош мураббийи Рубен Аморим Майк Меньян жамоага ўтишини хоҳлайди. Меньян ҳозирда "Милан" шарафини ҳимоя қилади.
Ёзда 30 ёшга тўладиган франциялик дарвозабоннинг шартномаси 2025/2026 йилги мавсум охиригача мўлжалланган. Меҳнат шартномасининг қисқа муддати потенциал трансферни осонлаштиради.
Шу билан бирга, манбанинг таъкидлашича, Майк Меньянга Англиянинг яна икки клуби - "Челси" ва "Астон Вилла" қизиқиш билдирмоқда. Transfermarkt Меньянни 25 миллион еврога баҳоламоқда.
