“Барселона” ёзги трансферлар ойнасида “Атлетик” вингери Нико Уильямсни харид қилишни кўзлаётгани ҳақида хабарлар чиқмоқда. Бироқ каталонияликларнинг бош мураббийи Ҳанси-Дитер Флик бу трансферга унчалик қизиқмаяпти.

Испаниянинг El Nacional нашрининг ёзишича, Флик клуб раҳбариятидан “Бавария” сафида порлаётган Жамал Мусиалани қўлга киритишга уриниб кўришни сўраган. Мураббий Уильямс трансфери ўрнига собиқ шогирди билан ишлашни афзал кўрмоқда.

Аммо Мусиалани “Барселона” сафига қўшиб олиш анча мураккаб кечиши мумкин. 22 ёшли футболчи яқинда “Бавария” билан янги узоқ муддатли шартнома имзолаган. Унинг трансфер нархи анча юқори — Transfermarkt портали Мусиаланинг қийматини 140 миллион евро деб баҳоламоқда.

Таққослаш учун, Нико Уильямснинг бозор қиймати 70 миллион еврони ташкил этади, бироқ унинг шартномасида 60 миллион евро миқдоридаги товон пули банди мавжуд.