ОКМК Ўзбекистоннинг кубогининг 2-тури доирасида ўз майдонида "Насаф"ни қабул қилиб, иродали ғалабага эришди (3:2).
Шу тариқа, олмалиқликлар бош мураббийи Миржалол Қосимов 11 учрашувлик танаффусдан сўнг Рўзиқул Бердиев жамоасини мағлуб этишнинг уддасидан чиқди.
Қосимов сўнгги марта 2020 йилда Ўзбекистон кубоги доирасида "аждарлар"дан устун келганди. Ундан кейин ўтказилган ОКМК ва "Насаф" жамоалари ўртасидаги ўтказилган Суперлига ва Ўзбекистон кубоги доирасидаги кетма-кет 11 та ўйинда Рўзиқул Бердиев жамоаси мағлуб бўлмай келаётганди. Бу баҳсларда "Насаф" 6 ғалабага эришиб, 5 дуранг қайд этганди.














