Аргентиналик баъзи мухлислар ёзда АҚШда бўлиб ўтадиган сайёрамизнинг энг яхши клублари иштирокидаги турнирга кела олмайди. Бу ҳақда ESPN хабар бермоқда.
АҚШнинг Буэнос-Айресдаги элчихонасига 15 минг потенциал хавфли футбол ишқибозлари рўйхати топширилди.
"Биз учун бу жуда муҳим, чунки Аргентинадаги стадионларда қонунни бузган зўравонликка моил ҳеч бир киши ушбу мусобақага ташриф буюра олмайди," - дейилади Аргентина давлат хавфсизлик вазири Патрисия Буллрич баёнотида.
Клублар ўртасидаги жаҳон чемпионатида Аргентина шарафини иккита клуб - "Бока Хуниорс" ва "Ривер Плейт" ҳимоя қилади.
