"Реал" ва Винисиус Жуниор ўртасидаги янги шартнома бўйича музокараларда қийинчиликлар юзага келди.
Бразилиялик футболчининг атрофидагилар футболчи учун йилига 30 миллион евро маош, шунингдек, шартнома имзолаш учун бонус ва турли нафақалар сўраган, деб ёзади Marca.com
“Қироллик” клуби бундай талабларни қондиришга тайёр эмас. "Реал Мадрид" раҳбарияти юлдуз форвардга йилига 20 миллион евродан ортиқ маош тўламоқчи эмас. Ҳозирда музокаралар тўхтатилган.
Винисиус Жуниорнинг "Реал" билан амалдаги меҳнат шартномаси 2027 йилнинг ўрталарига қадар тузилган. Июл ойида "қаймоқранглилар" ҳужуми етакчиси 25 ёшга тўлади. Футболчига Саудия Арабистони чемпионати вакиллари қизиқиш билдирмоқда.
