"Вест Хэм" "Милан"да ижара асосида тўп тепган "Рома" ҳужумчиси Тэмми Абрахамни ўз сафига қўшиб олишни режалаштирмоқда, деб хабар беради Football Insider.
Манбага кўра, инглиз клуби Абрахамнинг А Сериядаги ўйинларини кузатиш учун скаутлар юборган.
Абрахамнинг "Милан" билан ижара шартномаси 2025 йилнинг 30 июнида якунига етади. 2024/25 йилги мавсумда у 45 та ўйинда 10 та гол урди ва 7 та голли узатмани амалга оширди. Transfermarkt портали 27 ёшли инглизнинг трансфер қийматини 15 миллион еврога баҳолаган.
"Вест Хэм" 2024/25 йилги мавсумда АПЛ турнир жадвалида 14-ўринни эгаллади.
