"Лион" ярим ҳимоячиси Райан Шерки "Манчестер Сити"га ўтишга рози бўлди ва аллақачон жамоа бош мураббийи Хосеп Гвардиола билан суҳбатлашди, дея хабар бермоқда журналист Санти Ауна.
21 ёшли хавбекни сотиб олиш учун "Манчестер Сити" асосий даъвогар бўлиб турибди. Инглиз клуби Шеркини 40 миллион еврога сотиб олиши мумкин ва шартномани 15 июнь куни бошланадиган клублар ўртасидаги жаҳон чемпионати бошланишидан олдин якунламоқчи.
Шерки ўтган мавсумда барча мусобақаларда 44та ўйинда майдонга тушиб, 12та гол урган ва 20та голга ҳаммуаллифлик қилган. Унинг клуб билан амалдаги шартномаси 2026 йилнинг ёзигача мўлжалланган. Transfermarkt маълумотларига кўра, футболчининг нархи 35 миллион еврога тенг.
