Франциялик афсонавий собиқ ҳужумчи Тьерри Анри "Ривер Плейт"нинг 17 ёшли ҳужумкор ярим ҳимоячиси Франко Мастантуоно ҳақида гапирди. Аввалроқ, футболчи тез орада "Реал" футболчисига айланиши ҳақида хабарлар тарқалган эди.
"Футболда мени доим бир нарса ҳайратга солади: сен Криштиану Роналду, Месси, Зидан, Роналдо, Пеле, Марадонадан яхшироқ ҳеч ким бўлмайди деб ўйлайсан... Кейин Ламин Ямал пайдо бўлади. Ҳозир Аргентинада жарима зарбалари орқали энг муҳим ўйинларда ғалаба келтираётган футболчи Франко Мастантуоно бор," - дея Анрининг сўзларини келтиради Madrid Universal.
Мастантуоно 2019 йилдан бери "Ривер Плейт"да, 2024 йил бошидан эса асосий жамоада ўйнай бошлади. Бу вақт ичида футболчи 61 та ўйин ўтказиб, 10 та гол урди ва еттита голли узатмани амалга оширди.
