"Интер Майами" жамоаси хўжайини Хорхе Мас ярим ҳимоячи Серхио Бускетснинг шартномаси билан боғлиқ вазият ҳақида гапирди.
36 ёшли испанияликнинг амалдаги меҳнат шартномаси жорий йил охирида ўз ниҳоясига етади.
"Бускетс - тарихдаги энг яхши ярим ҳимоячилардан бири. У ўз келажагини ўзи ҳал қилади. Биз у билан ҳали музокаралар олиб бормадик, аммо ҳамкорликни давом эттиришдан мамнун бўламиз. Серхио ёш футболчиларга майдонда етакчи бўлиш нимани англатишини кўрсатиб бермоқда. У ва Луис Суарес жуда катта таъсир ўтказишди ва клубимиз эшиклари улар учун доим очиқ. Кузга яқин биз келаси йил учун таркиб бўйича қарор қабул қилишимиз керак," - дея Хорхе Маснинг сўзларини келтиради Inter Miami News Hub.
Серхио Бускетс 2023 йилнинг ёзида "Барселона"дан эркин агент сифатида "Интер Майами"га ўтганди.
