"Милан" "Ювентус" билан ҳужумчи Душан Влахович трансфери бўйича музокараларни бошлади.
"Россонерилар"нинг янги бош мураббийи Массимилиано Аллегри сербиялик футболчини ҳужумчи позицияси учун устувор мақсад сифатида белгилади. Журналист Даниэле Лонгонинг хабар беришича, яқинда клублар 25 ёшли футболчи бўйича илк музокараларни ўтказган. Келишув иқтисодий жиҳатдан мураккаб ҳисобланади, аммо "Милан" учун умуман имконсиз эмас.
"Transfermarkt" порталида Душан Влаховичнинг тахминий нархи - 45 млн евро. Футболчининг "кекса синьора" билан шартномаси келаси йилнинг ўрталарида якунига етади.
Влахович ўтган мавсумда туринликлар сафида 41 та ўйинда 15 та гол ва бешта голли узатмага муаллифлик қилган.
