"Milan" "Yuventus" bilan hujumchi Dushan Vlaxovich transferi bo‘yicha muzokaralarni boshladi.
"Rossonerilar"ning yangi bosh murabbiyi Massimiliano Allegri serbiyalik futbolchini hujumchi pozisiyasi uchun ustuvor maqsad sifatida belgiladi. Jurnalist Daniele Longoning xabar berishicha, yaqinda klublar 25 yoshli futbolchi bo‘yicha ilk muzokaralarni o‘tkazgan. Kelishuv iqtisodiy jihatdan murakkab hisoblanadi, ammo "Milan" uchun umuman imkonsiz emas.
"Transfermarkt" portalida Dushan Vlaxovichning taxminiy narxi - 45 mln yevro. Futbolchining "keksa sinyora" bilan shartnomasi kelasi yilning o‘rtalarida yakuniga yetadi.
Vlaxovich o‘tgan mavsumda turinliklar safida 41 ta o‘yinda 15 ta gol va beshta golli uzatmaga mualliflik qilgan.
