"Лос-Анжелес" жамоаси сафида МЛСда тўп тепаётган франциялик дарвозабон Уго Льорис яқин келажакда бутсаларини михга илиши мумкин.
"Ҳозирча ўйнашда давом этиш ёки этмаслигимни билмайман. Ҳали якуний қарорга келмадим. Бу ёзда клуб билан музокаралар бўлади, лекин ҳозирча нима деб жавоб беришни билмайман. Ўзимни яхши ҳис қиляпман, лекин реалистман. Мен ҳаммасини яхшилаб ўйлаб олишим керак," - дея 38 ёшли футболчининг сўзларини келтиради Lequipe.
Эслатиб ўтамиз, Льорис фаолиятининг асосий қисмини Англия чемпионатида Лондоннинг "Тоттенхэм" клуби сафида ўтказган. Франция терма жамоаси сафида дарвозабон 2018 йилда жаҳон чемпиони бўлган.
