Бразилиялик футболчи Неймарнинг отаси ва агенти Неймар да Силва ўғлининг сўнгги ўйинлардаги ҳаракатларига баҳо берди.

Футболчи жароҳатлар туфайли бир йилдан кўпроқ вақт ўтказиб юборди, шундан сўнг у Саудия чемпионатини тарк этди ва "Сантос"да ўйнай бошлади. Отасининг сўзларига кўра, ўғлининг карьерасидаги бу даврни ижобий баҳолаш керак.

"Неймар ўзини қулай ҳис қилиши мумкин бўлган муҳитда яна ўйнаши керак эди," - дея катта Неймарнинг сўзларини келтиради L’Equipe.

Шунингдек, у ўғлининг футбол майдонидан ташқаридаги ҳаёти ҳақида фикр билдирди.

"У ҳар куни кечқурун карнавалларга боради, деб ўйлашни бас қилиш вақти келди. У майдонда профессионал. У таътил ёки дам олиш кунлари зиёфатларда бўлади. У покер ўйнагани учун хочсимон пайларини узган деб ўйлайсизми?

Жорий мавсумда 33 ёшли футболчи 14 та ўйинда майдонга тушиб, 3 та гол урди ва 3 та голли узатмани амалга оширди.