Клублар ўртасидаги жаҳон чемпионати доирасидаги Мадриднинг "Реал" ва "Ал-Ҳилол" жамоалари ўртасидаги учрашув 1:1 ҳисобида якунланди ва турнирнинг энг кўп мухлис ташриф буюрган учрашувларидан бирига айланди. Бу ҳақда ФИФА расмий сайти хабар бермоқда.
Ўйин Майамидаги "Hard Rock Stadium" стадионида бўлиб ўтди ва 62 415 томошабинни тўплади.
Бу кўрсаткич клублар ўртасидаги жорий жаҳон чемпионатининг барча ўйинлари орасида иккинчи ўринни эгаллади. Айни дамда мухлислар сони бўйича рекорд "ПСЖ" ва "Атлетико" (4:0) ўртасидаги ўйинни сақлаб турибди, уни стадиондан 80 619 киши томоша қилган.













