Польшалик ҳужумчи Роберт Левандовски "Барселона" билан амалдаги шартномаси тугаганидан кейин фаолиятини Саудия Арабистони чемпионатида давом эттириши мумкин.
Бу ҳақда Ar-Riyadh нашрига таяниб Sport.es хабар берди. Каталонияликлар 36 ёшли форвард билан 2026 йилнинг ёзигача мўлжалланган келишувни узайтиришни режалаштирмаяпти. Футболчининг Яқин Шарққа кўчиб ўтишига қизиқиш борлигини футболчи билан ишлаётган агентлик вакилларидан бири ҳам тасдиқлади.
Ўтган мавсум якунларига кўра, Левандовски "Барселона" сафида барча мусобақаларда 52 та ўйинда майдонга тушиб, 42 та гол урди ва шерикларига 3 та голли узатмани амалга оширди.
