Polshalik hujumchi Robert Levandovski "Barselona" bilan amaldagi shartnomasi tugaganidan keyin faoliyatini Saudiya Arabistoni chempionatida davom ettirishi mumkin.
Bu haqda Ar-Riyadh nashriga tayanib Sport.es xabar berdi. Kataloniyaliklar 36 yoshli forvard bilan 2026 yilning yozigacha mo‘ljallangan kelishuvni uzaytirishni rejalashtirmayapti. Futbolchining Yaqin Sharqqa ko‘chib o‘tishiga qiziqish borligini futbolchi bilan ishlayotgan agentlik vakillaridan biri ham tasdiqladi.
O‘tgan mavsum yakunlariga ko‘ra, Levandovski "Barselona" safida barcha musobaqalarda 52 ta o‘yinda maydonga tushib, 42 ta gol urdi va sheriklariga 3 ta golli uzatmani amalga oshirdi.
