"ПСЖ" бош мураббийи Луис Энрике ЖЧ-2025 гуруҳ босқичининг сўнгги босқичида "Сиэтл Саундерс"га қарши ўйин ҳақида гапирди.
"Биринчидан, бу турнирнинг энг яхши босқичи, чунки олдинга ўтиш учун ғалаба қозониш керак ва бу бизни мотивация қилади. Биз бу ўйинга тайёрмиз, ҳозир ажойиб формадамиз. "Ботафого"дан учралган мағлубиятга (0:1) қарамай, биз яхши ўйнадик, шунинг учун хатоларимизни таҳлил қилиб, ўзимизни яхшилашимиз керак. Бизни қизиқарли ўйин кутиб турибди", деди Энрике.
Икки ўйиндан сўнг “ПСЖ” “Б” гуруҳида 3 очко билан иккинчи ўринда бормоқда. Айни дамда “Ботафого” 6 очко билан биринчи ўринда, “Атлетико” 3 очко билан учинчи, "Сиэтл Саундерс" эса охирги ўринда.
