Ҳужумчи Тэмми Абрахам ижара асосида тўп тепган "Милан"ни тарк этди. Бу ҳақда клуб матбуот хизмати хабар бермоқда.
Эслатиб ўтамиз, "россонерилар" инглизни Римнинг "Рома" клубидан ижарага олишган эди. Ўтган мавсумда Абрахам миланликлар жамоасининг 45 та ўйинида қатнашиб, 10 та гол ва 7 та голли узатмани ўз ҳисобига ёздириб қўйди.
Футболчининг бозор нархи 15 миллион еврога баҳоланмоқда.













