“Интер” “Флуминенсе” билан ўйиндаги омадсизликдан сўнг клублар ўртасидаги жаҳон чемпионатини тарк этади. Бразилиялик Тиаго Силва хурсандлигини яширмаяпти. У учун Италиянинг "Милан" клубининг собиқ футболчиси сифатида "Интер"ни мағлуб этиш шараф масаласи эди.
"Қандай ўйнаганимдан ва жамоанинг ўйинидан мамнунман. "Интер"га қарши ўйин осон бўлмади. Лекин Макс Аллегрига қўнғироқ қилдим ва у менга қимматли маслаҳат берди. Умид қиламанки, "Милан" мухлислари муваффақиятимиздан хурсанд бўлишади", - дейди Тиаго Силва.
Эслатиб ўтамиз, бразилиялик футболчи 2009 йилдан 2012 йилгача "Милан"да ўйнаган.
