ФИФА клублар ўртасидаги жаҳон чемпионати чорак финалида футболчилар томонидан олинган қизил карточкалар бўйича қарорларни эълон қилди.
"ПСЖ" ҳимоячилари Виллиан Пачо ва Люка Эрнандес икки ўйинга дисквалификация қилинди. ФИФА уларнинг "Бавария"га қарши ўйиндаги қоидабузарликларини "қўпол ва жиддий" деб топди.
Шу тариқа, Пачо ва Эрнандес нафақат 9 июль куни "Реал"га қарши ярим финални, балки "ПСЖ" у ерга етиб борса, турнир финалини ҳам ўтказиб юборади.
"Реал" ҳимоячиси Дин Хёйсен эса бир ўйинга дисквалификация қилинди. Яъни, агар Мадрид суперклуби "ПСЖ"дан ўта олса, футболчи финалда ўйнай олади.
