Таниқли журналист Гильем Балаге вингер Ламин Ямалнинг ўйин рақами ҳақида фикр билдирди.

Аввалроқ, Ямал шартномани узайтиргач, 10-рақамни олиши мумкинлиги хабар қилинганди. Бу рақам яқинда Ансу Фати жамоани тарк этганидан сўнг бўш қолди.

"10-рақамли футболка ҳақидаги миш-мишлар Ямални ойлаб таъқиб қилди. Ансу Фати клубда бўлганида ҳурмат юзасидан уни муҳокама қилмади, аммо у "Монако"га кетди. "Барселона" бу футболканинг сотуви кескин ошганига қарамай, расман ҳеч нарса эълон қилмади. Ямал нима қилишни ўйлаяпти. 10-рақамли футболка юкини қабул қиладими? Ёки 19-рақамни яна бир мавсумга - эҳтимол 19 ёшгача қолдириш керакми?" - деб ёзди Балаге BBC саҳифасида.

Якшанба куни Ламин Ямал 18 ёшга тўлди.