Лондоннинг "Челси" клуби "Пари Сен-Жермен" дарвозабони Жанлуижи Доннаруммага даъвогарлик қилмаяпти.

Париж клуби "Лилль"дан Люка Шевальени сотиб олишга яқин турибди, бунинг фонида Доннарумманинг тез орада кетиши ҳақидаги гап-сўзлар янада долзарб бўлиб қолди. Италиялик футболчига Европанинг кўплаб грандлари, жумладан, "Челси" ҳам қизиқиш билдирган, бироқ айни дамда "кўклар" дарвозабонга даъвогарлик қилмаяпти, дея хабар беради журналист Мэтт Лоу. Маълум бўлишича, Энцо Мареска жамоасида "биринчи рақам" Роберт Санчес бўлиб қолади.

Жанлуижи Доннарумманинг "ПСЖ" билан амалдаги шартномаси келаси йилнинг ўрталарида якунига етади, томонлар шартномани узайтириш борасида келиша олмаган.