МЛС доирасидаги ўйинда «Орландо Сити» ўз майдонида «Интер Майами»ни қабул қилди. Учрашув Орландода «Эксплория» стадионида бўлиб ўтди ва мезбонлар 4:1 ҳисобида ғалаба қозонди.

Ғолиблар сафида Луис Мурьель дублга эришди, яна бир голдан Мартин Охеда ва Марко Пашалич урди.

«Интер Майами»нинг ягона голини Янник Брайт киритди. Жароҳати сабабли аргентиналик ҳужумчи Лионель Месси учрашувда иштирок этмади. Луис Суарес эса гол ёки ассист билан ном қозонмади.

«Орландо» МЛСда кетма-кет учинчи ғалабасини қўлга киритди. «Интер Майами» эса Лигада икки ўйиндан бери ғалаба қозона олмаяпти. Олдинги турда жамоа «Цинциннати» билан 0:0 ҳисобида дуранг ўйнаган эди.

АҚШ — Major League Soccer (МЛС)
11 август 2025 йил, душанба. 05:00
Орландо Сити (Орландо) — Интер Майами (Майами) - 4:1
Голлар: 1:0 — Мурьель (2'), 1:1 — Брайт (8'), 2:1 — Мурьель (50'), 3:1 — Охеда (58'), 4:1 — Пашалич (88')