Ҳужумчи Маркус Рэшфорд "Барселона"даги мавсумолди тайёргарлик ҳақида фикр билдирди.
Маълумки, каталонияликлар инглизни "Манчестер Юнайтед"дан сотиб олиш ҳуқуқи билан ижарага олган эди.
"Бу ерда жуда катта юклама бор. Буни тушунтириш қийин, аммо мавсумолди тайёргарлик осон кечмади. Ҳар бир машғулотдан кейин ўзимни жуда чарчаган ҳис қилдим, об-ҳаво ҳам таъсир қилди. Югуриш қийин эмас, асосийси - тўп билан машқ қилиш ва доимий даражани сақлаб қолиш. Шу маънода интенсивлик мураккаброқ," - деди Рэшфорд The Rest Is Football подкастида.
Ла Лиганинг 1-турида "Барселона" 16 август куни "Мальорка"га қарши баҳс олиб боради.
