Россия ва Иордания терма жамоалари ўртасидаги ўртоқлик баҳси кеча бўлиб ўтди. Учрашув Москвадаги «Лукойл Арена» стадионида ўтказилди. Ўйинни ўзбекистонлик ҳакам Ильгиз Танташев бошқарди. Ўйин 0:0 ҳисоби билан якунланди.
Иордания терма жамоаси ФИФА рейтингида 64-ўринни эгаллаб турибди. 2026 йили ушбу жамоа тарихда илк бор Жаҳон чемпионатида иштирок этади, чунки саралаш босқичидан муваффақиятли ўтди.
Иорданияга қарши баҳсдан ташқари, Россия терма жамоаси 2025 йилда яна тўртта ўртоқлик ўйини ўтказди. 19 март куни Валерий Карпин шогирдлари Гренадани йирик ҳисобда (5:0) мағлуб этди. 25 март куни Замбия устидан ҳам 5:0 ҳисобида ғалаба қозонди. 6 июнь куни 56 ёшли мутахассис шогирдлари Нигерия билан дуранг ўйнади (1:1). 10 июнь куни эса Россия Беларус терма жамоасини 4:1 ҳисобида мағлуб этди.
Сентябрь ойида Валерий Карпин жамоаси яна бир ўртоқлик учрашувини ўтказади. Бу сафар рақиб Қатар терма жамоаси бўлади. Ушбу баҳс 7 сентябрь куни бўлиб ўтади.
Ўртоқлик учрашуви
2025 йил 4 сентябрь, пайшанба. 22:00
Россия — Иордания - 0:0













