"Манчестер Юнайтед" ярим ҳимоячиси Мэйсон Маунт терма жамоалар ўйинлари олдидан янги жароҳат олди. The United Stand хабарига кўра, жароҳат жиддий бўлиб чиқмади. Хавбек аллақачон спорт залида куч ва реабилитация машғулотларини бошлашга улгурган.
Мэйсон Маунт "МЮ"нинг Англия чемпионатининг жорий мавсумидаги учта ўйинида ҳам асосий таркибда майдонга тушиб, гол ура олмади. Жамоа 14 сентябрь куни "Манчестер Сити" меҳмони бўлади.













