"Интер" ҳужумчиси Лаутаро Мартинес жамоа бош мураббийи Симоне Индзагининг клубни тарк этишига изоҳ берди.

"Ҳар ким ўзи қарор қабул қилишга ҳақли. Мураббий бизга ҳеч қачон таклиф олганини ёки кетмоқчилигини айтмаган. Шунинг учун биз ҳар қандай миш-мишлардан йироқ бўлиб, ўз вазифаларимизга эътибор қаратдик. У ҳар доим профессионаллик кўрсатди. У билан бизга жуда қулай эди, у бизнинг ҳаракатлантирувчи кучимиз эди," - дея аргентиналик ҳужумчининг сўзларини келтиради France Football.

Эслатиб ўтамиз, Симоне Индзаги 2025 йилнинг 5 июнида "Ал-Ҳилол" бош мураббийига айланганди. Италиялик мутахассис 2021 йилнинг ёзидан буён "Интер"ни бошқариб келаётганди.