«Интер Майами» ҳужумчиси Луис Суарес Лига кубоги финалида содир этган ҳаракати учун MLS чемпионатида учта ўйинга дисквалификация қилинди. Бу ҳақда MLS расмий сайти хабар берди.
Маълумот учун, «Интер Майами» «Сиэтл Саундерс»га қарши финалда 0:3 ҳисобида мағлуб бўлганди. Беллашувдан сўнг футболчилар ва мураббийлар ўртасида майдонда катта тортишув юз берди. Шу пайтда 38 ёшли Суарес «Сиэтл» ходимларидан бири билан жанжаллашиб, унга юзига тупурди. Кейинчалик у ўз ҳаракати учун узр сўради.
Эслатиб ўтамиз, собиқ «Барселона» ҳужумчиси аввалроқ Лига кубогидан олти ўйинга четлатилган эди.













