Бразилия терма жамоаси жаҳон чемпионати саралаш босқичи сўнгги турида Боливия терма жамоасига мағлуб бўлди (0:1).
Биринчи бўлим сўнгида ягона гол Мигелито томонидан пенальтидан киритилди. Бразилияликлар учун бу Боливияга қарши сўнгги 16 йилдаги илк мағлубиятдир. 2009 йил октябрь ойида "пентакампеонлар" сафарда 1:2 ҳисобида мағлуб бўлишганди - бу ҳам ЖЧ саралашида.
Бразилия терма жамоаси ўз тарихидаги энг ёмон саралаш кампаниясини ўтказди, аммо сўнгги тур олдидан бўлажак жаҳон чемпионатида иштирок этишни кафолатлади. Бугунги ғалаба эвазига Боливия еттинчи ўринни эгаллади ва қитъалараро финал турнири йўлланмаси учун кураш олиб боради.
