Колумбия терма жамоаси ҳужумчиси Луис Суарес Венесуэлага қарши ўйинда (6:3) покер қайд этди.
Лиссабоннинг "Спортинг" клуби 27 ёшли вакили ЖЧ-2026 саралашининг сўнгги тур учрашувида венесуэлаликларни доғда қолдириб, 4та гол урди. Opta хабарига кўра, колумбиялик Суарес 2011 йилда Чили билан ўйинда уругвайлик Луис Суаресдан кейин Жанубий Америкадаги жаҳон чемпионати саралашида покер қайд этган биринчи футболчи бўлди.
Колумбия терма жамоаси саралаш босқичида Аргентина ва Эквадордан кейин учинчи ўринни эгаллади. Жамоа АҚШ, Канада ва Мексикада бўлиб ўтадиган мундиалда иштирок этади.













