"Реал" клуби ва Франция терма жамоаси ҳужумчиси Килиан Мбаппе терма жамоага Зинедин Зидан келиши мумкинлиги ҳақида гапирди.
"Унга ҳеч ким "йўқ" демайди. Фақат угина "йўқ" дейиши мумкин. Зидан келса - зўр бўлади! Бошқаси бўлса ҳам майли. У француз футболи тарихида деярли барча ҳуқуқларга эга бўлган ягона футболчи," - дея Мбаппенинг сўзларини келтиради L’Equipe.
Айни пайтда Франция терма жамоаси бош мураббийи 56 ёшли Дидье Дешам ҳисобланади. У терма жамоани 2012 йилдан буён бошқариб келмоқда ва унинг амалдаги меҳнат шартномаси кейинги йилнинг ёзигача мўлжалланган.













