Мадриднинг "Реал" клуби ярим ҳимоячиси Жуд Беллингем жорий мавсумда илк бор майдонга тушди. Англиялик футболчи Ла Лиганинг шанба кунги "Эспаньол"га қарши ўйинида Килиан Мбаппе ўрнига 89-дақиқада захирадан майдонга тушди.
Эслатиб ўтамиз, 22 ёшли футболчи елкасида ўтказилган жарроҳлик амалиётидан сўнг тикланиш жараёнини бошдан кечираётган эди.
"Сизни, ўйинни жуда соғиндим. Бугун стадионда менга кўрсатган меҳрингиздан жуда таъсирландим ва бутун тикланиш жараёнида қўллаб-қувватлаганингиз учун миннатдорман. Бу мен учун катта аҳамиятга эга. Hala Madrid!" - дея Беллингемнинг сўзларини келтиради журналист Фабрицио Романо.
