Рио Фердинанд Рубен Аморимнинг ҳимоя чизиғидаги номувофиқлигини танқид қилди.
"Манчестер Юнайтед"нинг жорий мавсумдаги барча мусобақалардаги олтита ўйинидан бештасида Рубин Аморим камида битта марказий ҳимоячини алмаштирган.
"Мен ғалаба қозонган жамоаларга қарайман. Масалан, мен ўйнаган жамоани ёки ўтмишда Тони Адамс, Мартин Киоун ёки Сол Кемпбэлл билан ҳаракат қилган "Арсенал"ни олайлик.
Ҳар сафар бир хил марказий ҳимоячилар ўйнайди. Ҳимоядаги бу жуфтлик билан таркибда барқарорлик мавжуд.
Майдоннинг бу қисмидаги барқарорлик ғалаба қозониш учун кўпроқ имконият беради ва Рубен Аморимнинг тўсатдан ўзгаришлари даҳшатли. Агар мен ўйнаганимда буни ёқтирмасдим", - дейди "Манчестер Юнайтед"нинг собиқ ҳимоячиси Рио Фердинанд.
