Испаниялик собиқ футболчи Маркос Сенна "Барселона" вингери Ламин Ямал ҳақида фикр билдирди.
"Кўк-анорранглилар"нинг 18 ёшли юлдузи "Олтин тўп" учун асосий даъвогарлардан бири сифатида кўрилаётганди, аммо соврин "ПСЖ" аъзоси Усмон Дембелега насиб этди. Ямал овоз бериш натижаларига кўра иккинчи бўлди.
"Ламин хотиржамликни сақлаши керак. Ўйлайманки, у келаси йили "Олтин тўп"ни қўлга киритади. У келажакда кўплаб "Олтин тўп"ларга эга бўлади," - дея 2008 йилги Европа чемпиони сўзларини келтиради Barca Universal.
Нуфузли индивидуал мукофотни топшириш маросими 22 сентябрь куни Парижда бўлиб ўтди. Кучли бешликдан Витинья ("ПСЖ"), Муҳаммад Салоҳ ("Ливерпуль") ва Рафинья Диас ("Барселона") ҳам жой олган.













