Испания Примерасининг 6-туридан ўрин олган дербида Мадриднинг «Атлетико» клуби «Сивитас Метрополитано» стадионида «Райо Вальекано»ни қабул қилди. Беллашув сўнгги дақиқалардаги голлар эвазига 3:2 ҳисобида «матрасчилар» фойдасига ҳал бўлди.

15-дақиқада аргентиналик ҳужумчи Хулиан Альварес ҳисобни очди. Биринчи бўлимнинг қўшиб берилган вақтда Пеп Чаваррия ҳисобни тенглаштирди. 77-дақиқада Альваро Гарсия «Райо»ни олдинга олиб чиқди. Аммо 80- ва 88-дақиқаларда Альварес яна икки бор гол уриб, хет-трикка эришди ва жамоасига ғалаба келтирди.

Шу тариқа, «Атлетико» 6 ўйиндан сўнг 9 очко билан жадвалда 8-ўринга кўтарилди. «Райо Вальекано» эса 5 очко билан 14-ўринда қолди.

Испания — Ла Лига. 6-тур
24 сентябрь 2025 йил, чоршанба.
Атлетико (Мадрид) — Райо Вальекано (Мадрид) — 3:2
Голлар: 1:0 — Альварес (15'), 1:1 — Чаваррия (45+1'), 1:2 — Гарсия (77'), 2:2 — Альварес (80'), 3:2 — Альварес (88')