Неймарнинг вазияти тасаввур қилиш мумкин бўлганидан ҳам мураккаброқ. Журналист Родольфо Гомеснинг сўзларига асосланиб, Santistas.net нашрининг хабар беришича, Неймарнинг 2025 йил охиригача майдонга қайтиши даргумон. Яқинда "Сантос"нинг юлдуз форварди яна лазаретга тушиб қолди.
Бироқ, Неймарнинг муаммолари фақат жароҳат билан чекланмайди. Гомес Бразилия терма жамоаси футболчиси спиртли ичимликларга ружу қўйгани ва спорт режимига риоя қилмаётгани ҳақида маълумотга эга.
"Неймар виски ва энергетикларга муккасидан кетган. У чилим чекади ва фақат эрталаб соат 4-5 да ухлашга ётади," - деди Гомес.
Сентябрь ойида Неймар Бразилия терма жамоасига бормади, буни жамоа бош мураббийи Карло Анчелотти "техник қарор" деб атади.
