Англия терма жамоаси бош мураббийи Томас Тухель ҳужумкор ярим ҳимоячи Коул Палмер ҳақидаги фикрлари билан ўртоқлашди.

"Бу йил у фақат июнь ойидаги йиғинда қатнашди. Албатта, бу хавотир уйғотади. Энг муҳими, у оғриқсиз ўйнай олиши керак, чунки чов жароҳати жуда хавфли ва у осонгина сурункали шаклга ўтиши мумкин.

Палмер соғлом бўлса, клубда ҳам, терма жамоада ҳам ўйинлар тақдирини ҳал қила олади. Биз буни жуда яхши биламиз. Ўртамизда ҳеч қандай муаммо йўқ - биз унинг салоҳияти ва сифатини кўриб турибмиз. Аммо ҳақиқатга тик қарайдиган бўлсак: у сўнгги еттита йиғиннинг бештасида иштирок эта олмади, жаҳон чемпионатига эса атиги иккита йиғин қолди," - деди Тухель журналистларга.

Октябрь ойида Англия терма жамоаси Уэльс (ўртоқлик ўйини, 9 октябрь) ва Латвияга (ЖЧ-2026 саралаши, 14 октябрь) қарши баҳс олиб боради.