Франция терма жамоаси 2026 йилги жаҳон чемпионати саралаш босқичи доирасида Озарбайжонга қарши уй учрашувига тайёргарлик кўрмоқда. "Уч ранглилар" бош мураббийи Дидье Дешам соғлиғи билан боғлиқ муаммоларга дуч келган Килиан Мбаппенинг ҳолатига изоҳ берди.
"Бу ерда унинг тўпиғининг сезгирлиги масаласи бор. У кўзда тутилган дастурга амал қилди. Бугун Мбаппе машғулот ўтказади. Агар ҳаммаси яхши ўтса, у эртанги ўйинда иштирок этади", - деди Дешам матбуот анжуманида.
Франция - Озарбайжон учрашуви 10 октябрь куни Тошкент вақти билан 21:45да бошланади.
