2026 йилги Жаҳон чемпионати саралаш босқичидан ўрин олган Италия ҳамда Исроил терма жамоалари ўртасидаги ўйин вақтида хавфсизлик чоралари кучайтирилади. Бу ҳақда "The Social Post" хабар берди.
Манбага кўра, хавфсизликни таъминлаш учун кинология хизмати, сапёрлар ва дронлар жалб этилади. Шунингдек, маҳаллий полиция ва карабинерлар кучайтирилган тартибда иш олиб боради.
Ўйин олдидан стадион атрофида ва Удиненинг яқин ҳудудларида шиша, керамика ёки металл идишларда озиқ-овқат ҳамда ичимлик сотиш таъқиқланади. Полициянинг айтишича, бу турдаги идишлар норозилик билдирувчилар томонидан отиш қуроли сифатида ишлатилиши мумкин.













