Мадриднинг «Реал» клубининг собиқ бош мураббийи Зинедин Зидан тарихдаги энг яхши футболчи ҳақида фикр билдирди.

«Агар мендан барча даврларнинг энг яхши футболчисини айт, десалар, мен Бразилия терма жамоасининг Роналдосини танлардим. У майдонда қилган ишлари ҳақиқатан ҳам ҳайратланарли эди. У рақибга: “Ҳозир финт қиламан”, — дерди ва ҳақиқатан ҳам шундай қиларди», — дея Зиданнинг сўзларини ESPN келтиради.

Футболчилик фаолияти давомида Роналдо «Крузейро», ПСВ, «Барселона», «Интер», «Реал», «Милан» ва «Коринтианс» клубларида тўп сурган. Энг кўп ўйинни у «Қироллик клуби» сафида ўтказган — 177 та. Ушбу ўйинларда Роналдо 104 та гол урган. Бразилия терма жамоаси сафида эса собиқ ҳужумчи 99 та баҳсда майдонга тушиб, 62 та гол ва 32 та голли узатма муаллифи бўлган.