Madridning «Real» klubining sobiq bosh murabbiyi Zinedin Zidan tarixdagi eng yaxshi futbolchi haqida fikr bildirdi.

«Agar mendan barcha davrlarning eng yaxshi futbolchisini ayt, desalar, men Braziliya terma jamoasining Ronaldosini tanlardim. U maydonda qilgan ishlari haqiqatan ham hayratlanarli edi. U raqibga: “Hozir fint qilaman”, — derdi va haqiqatan ham shunday qilardi», — deya Zidanning so‘zlarini ESPN keltiradi.

Futbolchilik faoliyati davomida Ronaldo «Kruzeyro», PSV, «Barselona», «Inter», «Real», «Milan» va «Korintians» klublarida to‘p surgan. Eng ko‘p o‘yinni u «Qirollik klubi» safida o‘tkazgan — 177 ta. Ushbu o‘yinlarda Ronaldo 104 ta gol urgan. Braziliya terma jamoasi safida esa sobiq hujumchi 99 ta bahsda maydonga tushib, 62 ta gol va 32 ta golli uzatma muallifi bo‘lgan.