Англиялик футболчи учун курашда "Ливерпуль" ва "ПСЖ" "Челси"га рақобат қилади. Гап "Астон Вилла" ҳужумкор ярим ҳимоячиси Морган Рожерс ҳақида кетмоқда. 23 ёшли футболчига бўлган қизиқиш ҳақида Fichajes портали ўз саҳифаларида маълум қилди.
Манбанинг қайд этишича, қизиқиш билдираётган клублар Рожерснинг нархи баландлигидан хабардор. Трансфер қиймати 80 миллион евродан ошиши мумкин. Футболчининг муҳимлигини инобатга олиб, "Астон Вилла" фақат йирик таклифларни кўриб чиқишга тайёр.
Морган Рожерс жамоа сафида жами 80 та ўйинда майдонга тушиб, 17 та гол ва 19 та голли узатмани ўз ҳисобига ёздириб қўйди.
