Германия терма жамоасининг собиқ ҳимоячиси Лотар Маттеус Харри Кейнни мақтади. Собиқ футболчи "Бавария" ҳужумчисининг кучли томонларини айтиб ўтди. Маттеуснинг фикрича, мюнхенликлар тезроқ ҳужумчи билан шартномани узайтириши керак.
"Ҳозирча Харри Кейндан яхшироқ форвардни кўрмаяпман. У нафақат голлари билан, балки универсаллиги, майдонда керакли позицияларни эгаллай олиши билан ҳам қадрли. Кейн ўзини тўп узатувчи, дриблингчи ва ҳимоячи сифатида кўрсатади.
Эрлинг Холанд ёки Килиан Мбаппе жарима майдони ичида Кейн каби подкат қилганини ёки 50 метр ва ундан ортиқ масофага узатма берганини кўрмаганман. У марказий ҳужумчи ролини қайта кўриб чиқди, худди Мануэль Нойер дарвозабонлар ўйини ҳақидаги тушунчани ўзгартиргани каби. Унинг шартномаси 2027 йилгача мўлжалланган. Мен келишувни имкон қадар тезроқ узайтиришни тавсия қилган бўлардим," деб айтган Маттеус.
